ਸਰਦੂਲਗੜ੍ਹ (ਜੀ ਐਮ ਅਰੋੜਾ) : ਮਾਨਯੋਗ ਡਾਇਰੈਕਟਰ ਆਯੁਰਵੇਦਾ ਪੰਜਾਬ ਡਾ. ਰਮਨ ਖੰਨਾ ਜੀ ਵੱਲੋਂ ਜਾਰੀ ਕੀਤੇ ਦਿਸ਼ਾ-ਨਿਰਦੇਸ਼ਾਂ ਅਨੁਸਾਰ ਅਤੇ ਡੀ.ਏ.ਯੂ.ਓ. ਮਾਨਸਾ ਡਾ. ਨਮਿਤਾ ਗਰਗ ਜੀ ਅਤੇ ਜ਼ਿਲ੍ਹਾ ਹੋਮਿਓਪੈਥੀ ਅਧਿਕਾਰੀ ਡਾ. ਰਾਜੀਵ ਕੁਮਾਰ ਜਿੰਦੀਆ ਜੀ ਦੀ ਰਹਿਨੁਮਾਈ ਹੇਠ 3 ਫਰਵਰੀ 2026 ਨੂੰ ਪੰਚਾਇਤ ਘਰ ਕਰੰਡੀ ਜਿਲ੍ਹਾ ਮਾਨਸਾ ਵਿੱਚ ਇੱਕ ਮੁਫ਼ਤ ਆਯੁਸ਼ ਮੈਡੀਕਲ ਕੈਂਪ ਦਾ ਆਯੋਜਨ ਕੀਤਾ ਗਿਆ। ਬੀਰੂ ਰਾਮ ਸਰਪੰਚ ਨੇ ਰਿਬਨ ਕੱਟ ਕੇ ਕੈੰਪ ਦਾ ਉਦਘਾਟਨ ਕੀਤਾ। ਡਾਕਟਰ ਪੂਜਾ ਰਾਣੀ ਏ ਐਮ ਓ ਕਰੰਡੀ, ਡਾਕਟਰ ਪੂਜਾ ਏ ਐਮ ਓ ਰਾਏ ਪੁਰ ਅਤੇ ਹੋਮਿਓਪੈਥੀ ਡਾਕਟਰ ਜਗਮੀਤ ਸਿੰਘ ਬੁੱਟਰ ਨੇ ਮਰੀਜਾਂ ਨੂੰ ਚੈਕ ਕਰਨ ਉਪਰੰਤ ਫ਼ਰੀ ਦਵਾਈਆਂ ਦਿੱਤੀਆਂ।
ਇਸ ਕੈਂਪ ਤੋਂ ਕੁੱਲ 477 ਮਰੀਜ਼ਾਂ ਨੇ ਲਾਭ ਪ੍ਰਾਪਤ ਕੀਤਾ, ਜਿਨ੍ਹਾਂ ਵਿੱਚੋਂ 242 ਮਰੀਜ਼ਾਂ ਨੇ ਆਯੁਰਵੇਦਿਕ ਇਲਾਜ ਅਤੇ 275 ਮਰੀਜ਼ਾਂ ਨੇ ਹੋਮਿਓਪੈਥਿਕ ਇਲਾਜ ਪ੍ਰਾਪਤ ਕੀਤਾ।
ਕੈਂਪ ਦੌਰਾਨ ਮਰੀਜ਼ਾਂ ਨੂੰ ਆਹਾਰ ਸੰਬੰਧੀ ਦਿਸ਼ਾ-ਨਿਰਦੇਸ਼ ਦਿੱਤੇ ਗਏ। 28 ਮਰੀਜ਼ਾਂ ਨੂੰ ਮਰਮਾ ਬਿੰਦੂ ਥੈਰੇਪੀ ਦਿੱਤੀ ਗਈ ਅਤੇ ਨਾਲ ਹੀ ਯੋਗਾ ਇੰਸਟ੍ਰਕਟਰ ਗੁਰਦੀਪ ਸਿੰਘ ਅਤੇ ਅਮੀਸ਼ਾ ਨੇ ਯੋਗ ਦੇ ਲਾਭਾਂ ਬਾਰੇ ਜਾਣਕਾਰੀ ਦੇ ਕੇ ਕੁਝ ਰੋਜ਼ਾਨਾ ਯੋਗ ਆਸਨਾਂ ਦੀ ਵਿਵਰਣਾ ਵੀ ਕੀਤੀ ਗਈ। ਆਯੁਰਵੈਦਾ ਉਪ ਵੈਦ ਅਵਤਾਰ ਸਿੰਘ ਅਤੇ ਗੁਰਮੀਤ ਸਿੰਘ ਨੇ ਮਰੀਜਾਂ ਨੂੰ ਦਵਾਈਆਂ ਵਿਤਰਨ ਕੀਤੀਆਂ। ਨਰਿੰਦਰ ਸ਼ਰਮਾ ਅਤੇ ਜਗਤਾਰ ਸਿੰਘ ਨੇ ਹੋਮਿਓਪੈਥੀ ਦਵਾਈਆਂ ਵਿਤਰਨ ਕੀਤੀਆਂ। ਸ਼ੀਲਾ ਰਾਣੀ ਅਤੇ ਮਨੀਸ਼ਾ ਨੇ ਆਪਣੀਆਂ ਸੇਵਾਵਾਂ ਪ੍ਰਦਾਨ ਕੀਤੀਆਂ। ਇਸ ਮੌਕੇ ਹੋਰਨਾਂ ਤੋਂ ਇਲਾਵਾ ਕੁਲਦੀਪ ਗੋਦਾਰਾ, ਕ੍ਰਿਸ਼ਨ ਕੁਮਾਰ, ਹੁਕਮ ਚੰਦ, ਸੰਦੀਪ ਕੁਮਾਰ ਅਤੇ ਰਾਮ ਸਰੂਪ ਮੌਜੂਦ ਰਹੇ।